Literaturo por geknaboj
en Esperanto
Literaturo
kaj juneco akompanis Esperanton ekde la komenco.
Zamenhof estis ankoraŭ infano, kiam en lia kapo naskiĝis ideo pri la internacia lingvo, kiel 17-jarulo li finis prototipon (Lingwe universale) kaj kiel 25-jarulo la nunan Esperanton, kvankam li sukcesis publikigi ĝin nur kiel 28-jarulo.
Unuan
Esperanto-lernolibron por ĉeĥoj en 1890 eldonis la
18-jara Francisko Valdomiro Lorenc (kiu
poste
startigis la movadon ankaŭ en Brazilo), la duan lernolibron
en 1900 verkis la 22-jara Theodor Čejka.
La unuan romanon en Esperanto en 1896 verkis la 19-jara ruso Ivan Ŝirjaev sub titolo Sen titolo (sed eldnita nur en 1994).
UEA estis kreita de la 20-jara sviso Hector Hodler, kiu naskiĝis en la sama jaro kiel Esperanto, do en 1887.
Certe ni povus mencii ankoraŭ plurajn ekzemplojn.
Literaturo
ĉiam gravis por tiuj, kiuj lernas fremdan lingvon, ĉar
ĝi imitas fremdlingvan medion kaj instruas pensi fremdlingve.
Ankaŭ plenkreskuloj ofte legas infanan literaturon en fremda
lingvo, ĉar ilia scio kaj vortprovizo apenaŭ egalas al
tiu de infano.
Do, bonvenu en nia ekspozicio de literaturo por geknaboj en Espeeranto.